Тошкентда фуқаролар уйидан мажбурий чиқарилгани айтилмоқда
Тошкент прокуратураси ижтимоий тармоқларда тарқалган мурожаат юзасидан расмий муносабат билдирди.
Тошкент шаҳар прокуратураси ижтимоий тармоқларда фуқаролар томонидан уйидан мажбурий чиқариб юборилгани ҳақидаги мурожаат юзасидан расмий муносабат билдирди.
Маълум қилинишича, фуқаролар Р. Паянов ва бошқалар ўзларига тегишли бўлган уй-жойдан мажбурий равишда чиқариб юборилгани ҳақида ижтимоий тармоқлар орқали мурожаат қилган.
Мазкур ҳолат Тошкент шаҳар прокуратураси ҳамда Тошкент шаҳар ҳокимлиги вакиллари томонидан воқеа жойига чиқиб ўрганилган. Ўрганиш жараёнида мурожаат муаллифлари ва “MEGA LOGISTICS SERVICE” МЧЖ вакиллари иштирок этган ҳамда барча тегишли шахслардан аризалар қабул қилинган.
Қайд этилишича, мазкур мурожаат Тошкент шаҳар прокуратураси назоратига олинган бўлиб, ўрганиш якунларига кўра қонуний қарор қабул қилиниши таъминланади.
