Конгода Эбола эпидемияси авж олмоқда —янги ҳолатларнинг асосий қисми номаълум манбалардан
Касалланганлар сони 3 874 нафарга, қурбонлар сони эса 1 751 нафарга етди.
Конго Демократик Республикасида Эбола эпидемияси кенгайишда давом этмоқда. Мамлакатда тасдиқланган касалланиш ҳолатлари сони қарийб 4 минг нафарга етди.
Reuters агентлиги хабарига кўра, Конго Демократик Республикаси Соғлиқни сақлаш вазирлигининг сўнгги маълумотларига асосан, эпидемия бошланганидан буён 3 874 та Эбола ҳолати қайд этилган. Улардан 1 751 нафари вафот этган.
Расмийларнинг таъкидлашича, янги аниқланаётган ҳолатларнинг 60–80 фоизи аввал маълум бўлган юқиш занжирлари билан боғлиқ эмас. Бу эса вируснинг назоратдан ташқари тарқалаётганини кўрсатмоқда.
Касаллик Бундибугё вируси сабаб юзага келган бўлиб, айни пайтда унга қарши тасдиқланган вакцина ёки махсус даволаш усули мавжуд эмас.
Эпидемиянинг асосий ўчоғи ҳисобланган Итури провинцияси барча касалланиш ҳолатларининг қарийб 90 фоизини ташкил этмоқда. Шунингдек, ҳудуддаги қуролли можаролар сабаб айрим аҳоли пунктларига тиббий ёрдам етказиш қийинлашаётгани қайд этилган.
