Тошкентда кекса аёлга тегажоғлик қилган йигит қамалди
Ҳуқуқбузар суд мажлисида айбини тан олиб, қилмишидан пушаймонлигини билдирган ва суддан енгиллик беришни сўраган.
Тошкент шаҳрининг Яшнобод туманида маст ҳолатда кекса аёлга нисбатан уятсиз ҳаракатлар содир этган 22 ёшли йигит 15 суткага маъмурий қамоққа олинди.
Суд ҳужжатларига кўра, ҳуқуқбузар суд мажлисида айбига тўлиқ иқрор бўлиб, қилмишидан пушаймон эканини, келгусида бундай ҳолат такрорланмаслигини билдириб, суддан енгиллик сўраган.
Суд қарори билан у Маъмурий жавобгарлик тўғрисидаги кодекснинг 183-моддаси, 187-моддаси 2-қисми ва 194-моддаси 1-қисмида назарда тутилган ҳуқуқбузарликларни содир этган деб топилиб, 15 сутка маъмурий қамоқ жазоси тайинланди.
