Наманган шаҳрининг собиқ ҳокими 11 йилга қамалди
Шунингдек, у 3 йил муддатга мансабдорлик ва моддий жавобгарлик юклатилган ишларда ишлаш ҳуқуқидан ҳам маҳрум этилди.
Жиноят ишлари бўйича Ўзбекистон туман судининг 2026 йил 7 августдаги ҳукми билан 1972 йилда туғилган, Наманган шаҳар ҳокими лавозимида ишлаган A.O. бир қатор жиноятларни содир этганликда айбли деб топилди.
Суд маълумотларига кўра, у Жиноят кодексининг 167-моддаси 3-қисми «а» банди, 168-моддаси 3-қисми «в» банди, 205-моддаси 2-қисми «а» банди, 206-моддаси 2-қисми «а» банди, 207-моддаси 1-қисми, 209-моддаси 2-қисми «а» банди ва 210-моддаси 3-қисми «а» бандида назарда тутилган жиноятларни содир этганликда айбдор деб топилган.
Суд ҳукмига кўра, A.O.гa Жиноят кодексининг 59-моддаси 3-қисми тартибида узил-кесил 11 йил муддатга озодликдан маҳрум қилиш жазоси тайинланган. Шунингдек, у 3 йил муддатга мансабдорлик ва моддий жавобгарлик юклатилган ишларда ишлаш ҳуқуқидан маҳрум қилинган.
Мазкур жиноят иши доирасида яна уч нафар судланувчига 7 йилдан 10 йил 6 ойгача озодликдан маҳрум қилиш, икки нафарига 2 йил 6 ой муддатга ахлоқ тузатиш ишлари, яна бир судланувчига эса 3 йилга озодликни чеклаш жазоси тайинланган.
Суд ҳукми устидан тарафлар қонунда белгиланган тартиб ва муддатларда Фарғона вилоят судига апелляция ёки кассация тартибида шикоят бериш, шунингдек, протест келтириш ҳуқуқига эга.
