Таиланддаги мактабда отишма содир бўлди
Қурбонлар орасида уч нафар ўқитувчи ва уч нафар ўқувчи бор.
Таиланднинг Нонтҳабури провинциясидаги Дебсирин Нонтҳабури мактабида содир бўлган отишмада олти киши ҳалок бўлди, 15 киши жароҳатланди. Мамлакат расмийлари маълумотига кўра, ҳужумни мактаб ўқувчиси амалга оширган. Бу ҳақда ApNews хабар берди.
Ҳалок бўлганлар орасида уч нафар ўқитувчи ва уч нафар ўқувчи бор. Жароҳатланганларнинг икки нафари оғир аҳволда шифохонага ётқизилган. Гумонланувчи ҳам воқеадан сўнг оғир яраланган ҳолда касалхонага олиб кетилган. Дастлабки маълумотларга кўра, у қуролни оила аъзоларидан бирига тегишли қуролдан фойдаланган.
Отишма вақтида мактаб биносида ваҳима юзага келган. Ўқувчилар ва ўқитувчилар синфхоналарда яширинган, айримлари деразалар орқали ташқарига қочишга мажбур бўлган. Полиция ҳудудни ўраб олиб, бинони босқичма-босқич эвакуация қилган.
Бош вазир Анутин Чарнвиракул қурбонларнинг оила аъзоларига ҳамдардлик билдириб, воқеа сабабларини ҳар томонлама ўрганиш ҳамда жабрланганларга зарур ёрдам кўрсатиш бўйича топшириқ берди. Ҳуқуқ-тартибот органлари ҳужум мотиви ва қурол мактабга қандай олиб кирилгани юзасидан терговни давом эттирмоқда.
Эслатиб ўтамиз, жорий йил февраль ойида мамлакат жанубидаги мактаблардан бирида ҳам отишма содир бўлган эди. Оқибатда бир киши ҳалок бўлиб, яна икки киши яраланган.
