Ўзбекистон мол гўштини қайси давлатлардан импорт қилмоқда?
Бозорларга энг кўп мол гўшти Ҳиндистондан етказиб берилган.
Миллий статистика қўмитаси маълумотларига кўра, Ўзбекистон 2026 йилнинг январ–июнь ойларида хорижий давлатлардан жами 72 минг тонна мол гўшти импорт қилган.
Импорт қилинган маҳсулотларнинг умумий қиймати 359,5 млн АҚШ долларини ташкил этган.
Қайд этилишича, мол гўшти импорти ўтган йилнинг мос даврига нисбатан 6 минг тоннага ёки 9,1 фоизга ошган.
2026 йилнинг январ–июнь ойларида Ўзбекистонга энг кўп мол гўшти етказиб берган давлатлар:
-
Ҳиндистон — 33,9 минг тонна
-
Беларус — 19,6 минг тонна
-
Қозоғистон — 10,6 минг тонна
-
Покистон — 4 минг тонна
-
Бошқа давлатлар — 4 минг тонна
Шу тариқа, ҳисобот даврида Ўзбекистон бозоридаги мол гўшти импортининг қарийб ярми Ҳиндистон ҳиссасига тўғри келган.
