Боксчи Қудратилло Абдуқаҳҳоров АҚШда ҳибсга олингани ҳақидаги хабарларни рад этди
Спортчи айни пайтда Ўзбекистонда эканини маълум қилди.
Ўзбекистонлик профессионал боксчи Қудратилло Абдуқаҳҳоров АҚШда ҳибсга олингани ва кейинчалик мамлакатдан депортация қилингани ҳақидаги хабарларни рад этди.
Спортчи «Bugun Sport» нашри билан боғланиб, тарқалган хабарлар ҳақиқатга мос келмаслигини маълум қилган.
Боксчининг билдиришича, у айни вақтда Ўзбекистонда бўлиб турибди.
Аввалроқ Қудратилло Абдуқаҳҳоров АҚШда иммиграция билан боғлиқ ҳолат сабаб ҳибсга олингани, маълум муддат қамоқда сақлангани ва кейинчалик мамлакатдан депортация қилингани ҳақида хабарлар тарқалган эди.
Спортчи эса ушбу маълумотлар асоссиз ва ёлғон эканини билдирган.
