Ўзбекистонлик боксчи АҚШда ҳибсга олиниб, депортация қилинди
Боксчининг сўзларига кўра, у қамоқхонада 45 кун сақланган.
Ўзбекистонлик профессионал боксчи Қудратилло Абдуқаҳҳоров АҚШда иммиграция билан боғлиқ ҳолат сабаб ҳибсга олиниб, кейинчалик мамлакатдан депортация қилинган.
Маълум қилинишича, 2026 йил 21 март куни Жошуа Кевин Антонга қарши жангдан сўнг Абдуқаҳҳоров Лос-Анжелесдан Пенсилванияга йўл олган. Боксчининг айтишича, у ушбу ҳудудда яшаб, ишлаган.
Орадан бир неча кун ўтиб, Абдуқаҳҳоров полиция томонидан тўхтатилган ва АҚШ Иммиграция ва Божхона назорати хизмати (ИСE) ихтиёрига олинган. Кейинчалик у Ваёминг штатидаги Суитуотер округи қамоқхонасига ўтказилган.
Боксчининг сўзларига кўра, у мазкур қамоқхонада 45 кун сақланган. Шунингдек, 25 минг доллар гаров пули тўлагани, адвокати билан эса қамоққа олинганидан тахминан бир ой ўтиб учраша олганини билдирган.
Абдуқаҳҳоровнинг менежери боксчининг АҚШдаги иш визаси муддати тугаганини маълум қилган. Унга Ўзбекистонга қайтиш тавсия этилган бўлсада, спортчи АҚШда қолиб, ДоорДаш курьери сифатида ишлашни давом эттирган.
Кейинчалик Абдуқаҳҳоров Филаделфияда яна қўлга олинган ва АҚШдан депортация қилинган.
