Шимолий Корея Россияга 500 минг аскар юбориши мумкин

 

Украина президенти Владимир Зеленский Россия ҳудудига 50 минггача Шимолий Корея аскари жойлаштирилиши мумкинлигини билдирди. У ушбу маълумотни 9 август куни ижтимоий тармоқдаги баёнотида келтирган. Бу ҳақда Reuters хабар берди.

 

Зеленскийнинг айтишича, Шимолий Корея Россияга нафақат ҳарбий хизматчилар, балки қурол-яроғ ҳам етказиб бермоқда. Украина раҳбари мамлакат ҳудудидан Шимолий Кореяда ишлаб чиқарилган ракеталар топилганини ҳам маълум қилган.

 

Унинг таъкидлашича, Пхенян Россия билан ҳамкорлик орқали замонавий уруш олиб бориш бўйича тажриба орттирмоқда ва ҳарбий технологияларни ўзлаштирмоқда. Зеленский буни Осиёдаги бошқа давлатлар учун ҳам хавф туғдириши мумкин бўлган жараён сифатида баҳолаган.

 

Украина президенти Жанубий Кореяни Киевга ҳаво мудофааси тизимларини кучайтиришда ёрдам беришга чақирган. Шунингдек, икки давлат ўртасида дрон технологиялари ва мудофаа соҳасидаги бошқа йўналишларда ҳамкорликни ривожлантиришни таклиф қилган.

 

Маълумотларга кўра, Шимолий Корея 2024 йилда Россиянинг Курск вилоятига қарийб 14 минг аскар юборган. Кейинчалик Пхенян Россия кучларига ёрдам бериш учун қўшимча ҳарбий хизматчилар ва бошқа мутахассисларни ҳам жўнатган.

 

Зеленский июль ойида Россия яна 30 минг нафар Шимолий Корея аскарини қабул қилишга тайёрланаётганини айтган эди. 9 августдаги янги баёнотида эса у эҳтимолий контингент сонини 50 минг нафаргача оширган.