Сирдарёда МИБ орқали уй қонуний эгасига олиб берилди
Ижро ҳаракатлари давомида 5 нафар жавобгар фуқаро белгиланган тартибда мажбурий кўчирилган.
Мажбурий ижро бюросининг Сирдарё туман бўлими давлат ижрочилари томонидан фуқаролик ишлари бўйича Гулистон туманлараро судининг қонуний кучга кирган қарори асосида мажбурий ижро ҳаракатлари амалга оширилди.
Ижро ҳужжатига мувофиқ, ноқонуний равишда эгаллаб олинган хонадондан 5 нафар жавобгар фуқаро белгиланган тартибда мажбурий кўчирилди.
Ижро ҳаракатлари давомида амалдаги қонунчилик талабларига қатъий риоя қилиниб, хонадон қонуний эгасига топширилди ҳамда суд қарорининг тўлиқ ижроси таъминланди.
Мажбурий ижро бюроси томонидан суд ҳужжатлари ижросини қонун талабларига мувофиқ, ўз вақтида ва тўлиқ таъминлаш юзасидан тизимли ишлар давом эттирилмоқда.
