Тошкентда ноқонуний қурилма МИБ орқали буздирилди
Натижада ер майдони тўлиқ бўшатилди ҳамда асл ҳолатига келтирилди.
Фуқаролик ишлари бўйича Миробод туманлараро судининг 2025 йил 18 мартдаги ижро варақасига асосан жавобгарга ўзбошимчалик билан қурилган уй-жойни бузиш мажбурияти юклатилган эди.
Мазкур ижро ҳужжати Бюронинг Яшнобод туман бўлими иш юритувига келиб тушгач, ижро ҳаракатлари бошланди.
Қарздорга суд қарорини ихтиёрий равишда бажариш учун қонунчиликда белгиланган муддат берилган бўлса-да, у ўз мажбуриятини бажармади.
Шундан сўнг давлат ижрочилари томонидан мажбурий ижро тадбирлари амалга оширилди.
Натижада ноқонуний эгаллаб олинган ҳудудда қурилган қурилма буздирилиб, ер майдони тўлиқ бўшатилди ҳамда асл ҳолатига келтирилди.
