Тошкентда сувдан қарздор фуқаро тунги рейдда қарзини тўлади
Қарздор бир неча бор огоҳлантирилганига қарамасдан қарздорликни ихтиёрий равишда тўламасдан келган.
Мажбурий ижро бюроси Тошкент шаҳар бошқармаси ва Йўл ҳаракати хавфсизлиги хизмати ходимлари ҳамкорлигида ўтказилган навбатдаги қўшма тадбир давомида иссиқ сув тўловидан қарздор бўлган фуқаро аниқланди.
Маълум бўлишича, фуқаролик ишлари бўйича Шайхонтоҳур туманлараро судининг 2026 йил 24 февралдаги ижро варақасига асосан қарздор Қ.Н.дан ундирувчи “Veolia Energy” фойдасига 1 432 888 сўм ундириш белгиланган.
Қарздор бир неча бор огоҳлантирилганига қарамасдан қарздорликни ихтиёрий равишда тўламасдан келган.
Қўшма рейд давомида қарздор ўзига тегишли “Lacetti” русумли автотранспорт воситасида ҳаракатланаётган вақтда тўхтатилди. Текширув жараёнида мазкур автотранспорт воситасига нисбатан қидирув эълон қилинганлиги аниқланиб, у жарима майдонига жойлаштирилди.
Мазкур ҳолат фуқаролар учун муҳим хулоса бўлиб хизмат қилади. Коммунал хизматлар бўйича тўловларни ўз вақтида амалга ошириш нафақат ҳуқуқий мажбурият, балки ортиқча сарсонгарчилик ва қўшимча харажатларнинг олдини олишга ҳам хизмат қилади.
Кўрилган чоралар натижасида қарздор 2026 йил 6 август куни коммунал ташкилот фойдасига қарздорлик тўлиқ бартараф этилди.
