Жиззахда кредит қарзи сабаб нотурар бино хатланди
Айни пайтда у электрон онлайн-аукцион савдоларига чиқарилиши ҳамда тушган ҳисобидан кредит қарзи ундирилиши таъминланади.
Мажбурий ижро бюросининг Жиззах вилояти бошқармаси иш юритувида бўлган кредит қарздорлигини ундиришга оид ижро ҳужжати юзасидан қонунчилик талабларига мувофиқ мажбурий ижро ҳаракатлари амалга оширилди.
Ижро ҳужжатига асосан, қарздор корхонадан АТ«Туронбанк» фойдасига кредит қарзини ундириш белгиланган бўлиб, қарздор томонидан мажбурият ихтиёрий тартибда бажарилмаганлиги сабабли унга нисбатан мажбурий ижро чоралари қўлланилди.
Амалга оширилган ижро ҳаракатлари давомида қарздорга тегишли нотурар бино хатланди. Мазкур мулк қонунчиликда белгиланган тартибда сақловга олиниб, қарздор томонидан қарздорлик белгиланган муддатда қопланмаган тақдирда баҳоланиб, электрон онлайн-аукцион савдоларига чиқарилиши ҳамда тушган маблағ ҳисобидан кредит қарзи ундирилиши таъминланади.
Суд қарорларини ихтиёрий бажариш эса қўшимча харажатлар ва мажбурий ижро чораларининг олдини олади.
