Жиззахда Оniх ва Volkswagen тўқнашувида икки ҳайдовчи ҳалок бўлди
Дастлабки маълумотларга кўра, Оniх ҳайдовчиси ухлаб қолиб, қарама-қарши йўналишга чиқиб кетган.
Жиззах вилоятининг Зомин туманида икки автомобиль иштирокида оғир йўл-транспорт ҳодисаси содир бўлди. Тўқнашув оқибатида икки нафар ҳайдовчи ҳалок бўлган.
Kun.uz маълум қилишича, ЙТҲ 11 август куни соат 10:05 лар атрофида Зомин тумани Алишер Навоий маҳалласи ҳудудидан ўтувчи «Жиззах–Равот–Зомин–Савот» автомобиль йўлида юз берган.
Дастлабки маълумотларга кўра, 1998 йилда туғилган Ф.Э. бошқарувидаги Оniх автомобили ҳаракатланиб кетаётиб, қарама-қарши йўналишдан келаётган Volkswagen автомобили билан тўқнашган.
Volkswagen автомобилини Тошкент шаҳрида яшовчи 28 ёшли А.Р. бошқарган.
Тўқнашув натижасида ҳар икки автомобиль ҳайдовчиси оғир тан жароҳатлари олган ва воқеа жойида вафот этган.
Дастлабки маълумотларга кўра, Оniх ҳайдовчиси автомобилни бошқариш вақтида ухлаб қолган ва шу сабабли қарама-қарши ҳаракатланиш қисмига чиқиб кетган.
