Қирғизистонда 8 кунлик чақалоқдан олма катталигидаги ўсма олиб ташланди
Янги туғилган чақалоққа мураккаб жарроҳлик амалиёти бажарилди.
Қирғизистонда шифокорлар оёғида ўсма билан туғилган 8 кунлик чақалоқни операция қилди. Жарроҳлик амалиёти Миллий оналик ва болаликни муҳофаза қилиш марказида муваффақиятли ўтказилган.
Бу ҳақда марказнинг Болалар онкологияси ва гематологияси бўлими мудири Султон Стамбеков маълум қилди дeйди Akipress.
Шифокорнинг сўзларига кўра, айрим ўсмалар туғма бўлиб, ҳомиладорлик давридаёқ ёки чақалоқ ҳаётининг дастлабки кунларида аниқланиши мумкин. Бундай ҳолатлар, айниқса, янги туғилган чақалоқларда, тезкор ва аниқ тиббий ёндашувни талаб қилади.
Операция болалар ва неонатал жарроҳлар иштирокида амалга оширилган. Мутахассислар чақалоқнинг ниҳоятда кичик ёши ва жарроҳлик асоратлари хавфи юқорилигини ҳисобга олган ҳолда муолажани алоҳида эҳтиёткорлик билан олиб борган.
Стамбеков болалар онкологияси фақат кимётерапия билан чекланмаслигини, балки жарроҳлик, интенсив терапия, анестезиология, неонатология ва замонавий диагностикани ҳам қамраб олишини таъкидлаган.
“Атиги 8 кунлик — ва бу аллақачон ҳаёт учун катта кураш”, — деб ёзган шифокор.
