Ўзбекистон терма жамоаси IOI 2026да тарихий натижага эришди
Ёш дастурчилар халқаро информатика олимпиадасида 4 та медални қўлга киритди.
Тошкент шаҳрида Ўзбекистон мезбонлигида ўтказилаётган 38-Халқаро информатика олимпиадасида (IOI 2026) мамлакатимиз терма жамоаси тарихидаги энг юқори натижани қайд этди.
90 дан ортиқ мамлакатдан иқтидорли ёш дастурчилар иштирок этаётган нуфузли мусобақада Ўзбекистон вакиллари 1 та кумуш ва 3 та бронза медални қўлга киритди.
Жумладан:
-
Жахонали Хайдаралиев — Муҳаммад ал-Хоразмий номидаги ихтисослаштирилган мактаб ўқувчиси — кумуш медаль;
-
Жаҳонгиршоҳ Авазхонов — Наманган шаҳридаги Президент мактаби ўқувчиси — бронза медаль;
-
Тимур Кадирбергенов — Нукус шаҳридаги Президент мактаби ўқувчиси — бронза медаль;
-
Улуғбек Раҳматуллаев — Наманган шаҳридаги Президент мактаби ўқувчиси — бронза медаль.
Шунингдек, Сардорбек Салимов — Навоий шаҳридаги Президент мактаби ўқувчиси — “Honorable Mention” эътирофи билан тақдирланди.
Таъкидланишича, Ўзбекистон терма жамоаси 2025 йилги IOIда 1 та кумуш ва 1 та бронза медални қўлга киритган эди. Бу йилги натижа эса мамлакатимизнинг Халқаро информатика олимпиадасидаги иштироки тарихидаги энг юқори кўрсаткич бўлди.
