Жиззахда кредит қарзлари сабаб машиналар хатланмоқда
Банклар олдидаги кредит мажбуриятларини ўз вақтида бажармаган қарздорларга тегишли, кредит таъминоти сифатида гаровга қўйилган мол-мулклар белгиланган тартибда аниқланиб, хатлаш чоралари қўлланилмоқда.
Бюронинг Жиззах вилояти бошқармаси иш юритувида бўлган банклар фойдасига ундирув билан боғлиқ ижро ишлари доирасида қарздорликларни бартараф этишга қаратилган ижро ҳаракатлари изчил амалга оширилмоқда.
Жумладан, банклар олдидаги кредит мажбуриятларини ўз вақтида бажармаган қарздорларга тегишли, кредит таъминоти сифатида гаровга қўйилган мол-мулклар белгиланган тартибда аниқланиб, хатлаш чоралари қўлланилди.
Мазкур ижро ҳаракатлари қарздорликларни ундириш, ундирувчининг қонуний талабларини таъминлаш ҳамда ижро ҳужжатларида белгиланган мажбуриятларнинг бажарилишини кафолатлаш мақсадида амалга оширилди.
Гаров мулкининг хатланиши қарздор томонидан ўз мажбуриятини бажариш учун қўшимча ҳуқуқий таъсир чораси бўлиб, қарздорлик ихтиёрий равишда бартараф этилмаган тақдирда, қонунчиликда белгиланган тартибда кейинги мажбурий ижро чоралари қўлланилиши мумкин.
Бюронинг Жиззах вилояти бошқармаси томонидан банклар фойдасига ундирув билан боғлиқ ижро ҳужжатларини ўз вақтида ва тўлиқ ижро этиш, кредиторларнинг қонуний ҳуқуқ ва манфаатларини таъминлаш ҳамда қарздорликларни ундириш борасидаги ишлар давом эттирилмоқда.
