АҚШ Эронга қарши ядровий қурол ишлатиши мумкин
Собиқ конгрессмен АҚШ Эронга қарши ядровий қурол қўллаш эҳтимолини муҳокама қилаётганини маълум қилди.
АҚШнинг собиқ конгрессмени Маржори Тейлор Грин Вашингтонда Эронга қарши ядровий қуролдан фойдаланиш эҳтимоли муҳокама қилинаётганини маълум қилди.
Грин 16 август куни Х ижтимоий тармоғидаги саҳифасида АҚШнинг юқори даражадаги стратегик учрашувларида Эронга қарши ядровий қуролдан фойдаланиш масаласи кўриб чиқилаётганини ёзган.
Бироқ собиқ конгрессмен бу даъвосини тасдиқловчи далилларни келтирмаган.
Грин, шунингдек, АҚШ маъмуриятини Эроннинг ядровий қурол яратишга яқин эмаслигини кўрсатувчи разведка маълумотларини эътиборсиз қолдиришда ва Исроил маълумотларига устувор аҳамият беришда айблаган.
Унинг фикрича, можарода кескинликнинг янада кучайиши жиддий оқибатларга, жумладан, глобал ядровий фалокат хавфига олиб келиши мумкин.
Ҳозирча Оқ уй мазкур баёнотларга расмий муносабат билдиргани ҳақида маълумот йўқ.
