ДХХ кубогининг Республика босқичига қуръа ташланди
Баҳслар 17–22 август кунлари «Бунёдкор» академияси майдонларида ўтказилади.
Ёшлар ўртасида футбол ва мини-футбол бўйича ДХХ кубоги мусобақаси бу йил олтинчи бор мамлакатимизнинг барча ҳудудларида ўтказилмоқда.
Мусобақалар Қорақалпоғистон Республикаси, вилоятлар ва Тошкент шаҳрида ўғил болалар ўртасида футбол ва мини-футбол, қизлар ўртасида эса мини-футбол йўналишларида уч босқичда ташкил этилмоқда.
Тошкент шаҳрида иштирокчи жамоалар вакиллари, ташкилотчилар ва футбол мутасаддилари иштирокида мусобақанинг Республика босқичига қуръа ташлаш маросими ўтказилди.
Қуръа натижаларига кўра, жамоалар 17–22 август кунлари «Бунёдкор» академияси майдонларида ўзаро баҳс олиб боради.
Мусобақанинг финал учрашуви 22 август куни «ЖАР» стадионида бўлиб ўтади.
