Эрон АҚШ аскарларини қўлга олган ёки ўлдирганлар учун мукофот белгилади
Аёллар учун мукофот миқдори икки баравар бўлиши айтилди.
Эрон армияси қўмондони Амир Хотами АҚШ ҳарбий хизматчиларини қўлга олиш ёки ўлдириш учун мукофот пули белгиланганини маълум қилди. Бу ҳақда Эрон давлат телевидениеси хабар берди.
Хотамининг айтишича, АҚШ қўшинлари Эрон ҳудудига бостириб кирган тақдирда, америкалик ҳарбий хизматчини қўлга олган, ўлдирган ёки тегишли органларга топширган шахсга 30 минг доллар ёки 50 миллиард риал миқдорида мукофот берилади.
Эрон армияси қўмондони бундай ҳаракатни амалга оширган аёлларга мукофот миқдори икки баравар тўланишини ҳам таъкидлаган.
Шунингдек, Хотами Эрон армияси АҚШ ҳарбийларига қарши ишлатилган қуролларни бозор нархидан икки баравар юқори қийматда қайта сотиб олишга ва уларнинг ўрнига янги қуроллар беришга тайёрлигини билдирган.
