Жанубий Корея ва АҚШ қўшма ҳарбий машғулотларни бошлади
Маневрларда Жанубий Кореянинг қарийб 18 минг ҳарбий хизматчиси қатнашмоқда.
Жанубий Корея ва АҚШ қуролли кучлари “Ulchi Freedom Shield” қўшма ҳарбий машғулотларини режа асосида бошлади. Бу ҳақда Жанубий Кореянинг Newsis ахборот агентлиги хабар берди.
2026 йилги машғулотларда Жанубий Кореянинг қарийб 18 минг нафар ҳарбий хизматчиси иштирок этмоқда. Маневрларга 17–27 август кунлари ўтказилиши режалаштирилган.
Аввалроқ АҚШ президенти Доналд Трамп қўшма машғулотлар кўламини қисқартириш ҳақида буйруқ берганини маълум қилган эди. Бироқ Жанубий Корея Мудофаа вазирлиги АҚШ президентининг ушбу баёноти бўйича расмий билдиришнома олмаган.
Шунингдек, маҳаллий ОАВ маълумотларига кўра, Трампнинг баёнотидан аввал ҳам дала машғулотлари сони 17 тадан 14 тагача қисқартирилган.
“Ulchi Freedom Shield” Корея ярим оролида АҚШ ва Жанубий Корея ўртасида ўтказиладиган йирик қўшма ҳарбий машғулотлардан биридир.
