Россияда мигрантларнинг пул ўтказмаларига солиқ жорий этиш таклиф қилинди
Маълум қилинишича, 2026 йилда мигрантлар чет элга 17 миллиард рублдан ортиқ маблағ юборган.
Россиянинг “Адолатли Россия” партияси раиси Сергей Миронов мигрантларнинг Россиядан хорижга амалга оширадиган банк ўтказмаларига 3 фоизлик солиқ жорий этишни таклиф қилди. Бу ҳақда ТАСС хабар берди.
Мироновнинг айтишича, мигрантларнинг чет элга пул юбориши учун алоҳида тўлов механизмини яратиш зарур. Унинг таклифига кўра, хорижга амалга ошириладиган ҳар бир банк ўтказмасининг 3 фоизи миқдорида солиқ ундирилиши керак.
Депутат мигрантлар томонидан 2026 йилда чет элга 17 миллиард рублдан ортиқ маблағ ўтказилганини таъкидлаган. Унинг фикрича, айни пайтда хорижий фуқаролар ушбу пул ўтказмалари учун алоҳида тўлов амалга оширмаяпти.
