Тошкент вилоятида Cobalt Spark'ни йўлдан чиқариб юборди: ота ва ўғил ҳалок бўлди
Ҳодиса жойидан қочган Cobalt ҳайдовчиси қўлга олинган ва ҳолат юзасидан жиноят иши қўзғатилган.
Тошкент вилоятида икки кишининг ўлимига сабаб бўлган оғир йўл-транспорт ҳодисаси содир бўлди. Ҳодиса оқибатида ота ва унинг ўғли ҳалок бўлган, аёл шифохонага ётқизилган.
Ички ишлар Бош бошқармаси бошлиғининг матбуот котиби маълум қилишича, ҳодиса 2026 йил 15 август куни соат 09:30 да содир бўлган. Дастлабки маълумотларга кўра, 1997 йилда туғилган Cobalt ҳайдовчиси қувиб ўтиш манёврини амалга ошираётган вақтда олдинда ҳаракатланаётган Spark ҳайдовчисини ўтказиб юбориш чораларини кўрмаган.
Натижада Cobalt Spark автомобилини қатнов қисмидан чиқариб юборган. Шундан сўнг Cobalt ҳайдовчиси ҳодиса жойидан кетиб қолган.
Милларнинг малум қилишича, ЙТҲ оқибатида Spark автомобилида бўлган 1987 ва 2021 йилда туғилган икки нафар йўловчи воқеа жойида вафот этган. Аёл ҳайдовчи эса шифохонага ётқизилган.
Шу куннинг ўзида Cobalt ҳайдовчисининг шахси аниқланиб, у қўлга олинган.
Мазкур ҳолат юзасидан Жиноят кодексининг 266-моддаси 3-қисми «а» банди билан жиноят иши қўзғатилган. Ҳозирда тергов ҳаракатлари олиб борилмоқда.
Тергов органларининг якуний хулосасига кўра, жамоатчиликка қўшимча ахборот тақдим этилади.
