Ўзбекистонда электр энергияси ишлаб чиқариш 7,8 фоизга ошди
Жорий йилнинг январь–июль ойларида 54,3 млрд кВт·соат электр энергияси ишлаб чиқарилган.
2026 йилнинг январь–июль ойларида Ўзбекистонда 54,3 миллиард кВт·соат электр энергияси ишлаб чиқарилди. Бу ўтган йилнинг мос даврига нисбатан 3,9 миллиард кВт·соат ёки 7,8 фоизга кўп. Бу ҳақда Энергетика вазирлиги матбуот хизмати хабар берди.
Ишлаб чиқарилган электр энергиясининг:
-
38,9 млрд кВт·соати — иссиқлик электр станциялари;
-
7,5 млрд кВт·соати — йирик қуёш ва шамол электр станциялари;
-
5,4 млрд кВт·соати — гидроэлектр станциялар;
-
1,9 млрд кВт·соати — кичик қувватли қуёш панеллари (Роофтоп);
-
593,7 млн кВт·соати — блок-станциялар ҳиссасига тўғри келган.
Ҳисобот даврида республика бўйича 52,9 миллиард кВт·соат электр энергияси истеъмол қилинди. Бу 2025 йилнинг шу даврига нисбатан 2,6 миллиард кВт·соат ёки 5,2 фоизга кўп.
2026 йил июль ойида республикада 8,9 миллиард кВт·соат электр энергияси ишлаб чиқарилган. Бу ўтган йилнинг июль ойига нисбатан 920,3 миллион кВт·соат ёки 11,6 фоизга кўп.
Шу ойда электр энергияси истеъмоли 8,8 миллиард кВт·соатни ташкил этди. Мазкур кўрсаткич 2025 йил июль ойига нисбатан 638,8 миллион кВт·соат ёки 7,8 фоизга юқори.
