Жиззахда МИБ орқали бир оила яраштирилди
Шу тариқа алимент иши ярашув билан якунланган.
Мажбурий ижро бюросининг Шароф Рашидов туман бўлими иш юритувида бўлган алимент ундириш тўғрисидаги ижро иши оилавий келишув ва ярашув билан ижобий якунига етказилди.
Ижро иши доирасида давлат ижрочиси томонидан тарафларга алимент мажбуриятининг мазмун-моҳияти, фарзанд таъминотида ота-онанинг масъулияти ҳамда қонунчиликда белгиланган талаблар юзасидан тушунтиришлар берилди.
Суд жараёнида олиб борилган ярашув тадбирлари натижасида тарафлар ўзаро келишиб, низоли масалани тинч йўл билан ҳал этишга қарор қилди. Энг муҳими, оиладаги муносабатларни тиклаш ва фарзанд манфаатларини таъминлашга қаратилган келишувга эришилди.
Мазкур ҳолат алимент масаласида нафақат мажбурий ундирув, балки тарафларни яраштириш, оилавий муносабатларни тиклаш ва фарзандларнинг ҳуқуқ ва манфаатларини ҳимоя қилиш ҳам муҳим аҳамият касб этишини яна бир бор кўрсатди.
