UzQR олиш энди онлайн амалга оширилади
Тадбиркорлар энди QR-кодни банкка бормасдан, Biznes 24/7 иловаси орқали олишлари мумкин.
«Бизнесни ривожлантириш банки» АТБ тадбиркорлар учун UzQR олиш жараёнини рақамлаштирди. Эндиликда тадбиркорлар QR-код олиш учун банк офисига бориши шарт эмас. Барча жараённи масофадан туриб Biznes 24/7 иловаси орқали амалга ошириш мумкин.
Янги хизмат тадбиркорларга вақтни тежаш, тўловларни қабул қилиш жараёнини соддалаштириш ва савдо нуқталарида нақд пулсиз ҳисоб-китобларни қулай ташкил этиш имконини беради.
Ягона UzQR — турли тўловлар учун ягона ечим
Тадбиркор битта UzQR орқали турли банклар ва тўлов иловалари орқали амалга ошириладиган тўловларни қабул қилиши мумкин. Бу бир нечта QR-код ёки қўшимча қурилмалардан фойдаланиш заруратини камайтиради.
QR орқали амалга оширилган тўловлар тадбиркорнинг банк ҳисобварағига келиб тушади. Барча операцияларни ягона платформа орқали кузатиб бориш мумкин. Натижада тўловларни қабул қилиш жараёни соддалашиб, мижозларга хизмат кўрсатиш тезлашади.
Мижозлар учун ҳам қулай
UzQR орқали харидорлар ўзларига қулай бўлган банк ёки тўлов иловаси ёрдамида тўловни амалга оширишлари мумкин. Бу нақд пулсиз ҳисоб-китобларни янада қулайлаштириб, тўлов жараёнини тезлаштиради.
UzQR’ни қандай олиш мумкин?
Тадбиркорлар Biznes 24/7 иловаси орқали қуйидаги кетма-кетликда UzQR олишлари мумкин:
Ягона QR → Ариза юбориш → Ариза ҳолатини кузатиш → QR-кодни шакллантириш → Юклаб олиш
«Бизнесни ривожлантириш банки» АТБ тадбиркорлар учун рақамли хизматларни ривожлантириш ва банк хизматларидан фойдаланиш жараёнларини соддалаштиришга қаратилган янги ечимларни жорий этишда давом этмоқда.
