Андижонда фуқаро қарийб 2 кг “гашиш” билан қўлга тушди
У наркокурерлар томонидан дала майдонидаги хуфий жойга қолдирилган моддани қариндоши орқали қабул қилиб олган вақтида ушланди.
Андижон вилоятида гиёҳвандлик воситаларининг ноқонуний айланмасига қарши ўтказилган тезкор тадбир давомида 1 килограмм 986 грамм «гашиш» моддаси мусодара қилинди.
Давлат хавфсизлик хизматининг Андижон вилояти бўйича бошқармаси ходимлари томонидан Божхона ва Ички ишлар органлари билан ҳамкорликда ўтказилган тадбир давомида 1993 йилда туғилган маҳаллий фуқаро муқаддам наркокурерлар томонидан дала майдонидаги хуфий жойга қолдириб кетилган «гашиш» моддасини қариндоши орқали қабул қилиб олган вақтида ушланган.
Мазкур ҳолат юзасидан жиноят иши қўзғатилиб, тергов ҳаракатлари олиб борилмоқда.
