Жиззахда кредитдан қарздор фуқаронинг машинаси хатланди
Шундан сўнг транспорт воситаси жарима майдончасига жойлаштирилган.
МИБнинг Жиззах вилояти бошқармаси иш юритувида бўлган икки нафар ундирувчи — банклар фойдасига кредит қарздорлигини ундириш билан боғлиқ ижро ишлари доирасида навбатдаги таъсирчан чора кўрилди.
Ижро ҳаракатлари давомида қарздорларга тегишли автотранспорт воситалари аниқланиб, улар белгиланган тартибда хатловга олинди ва жарима майдонига жойлаштирилди.
Мазкур чоралар кредит мажбуриятларини бажаришни таъминлаш, қарздорликни ундириш ҳамда ижро ҳужжатларида белгиланган талабларни амалда таъминлаш мақсадида амалга оширилди.
Қарздорликнинг ўз вақтида бартараф этилмаслиги натижасида қарздорнинг мол-мулкига нисбатан қонунчиликда назарда тутилган мажбурий ижро чоралари қўлланилиши мумкин.
Бюронинг Жиззах вилояти бошқармаси томонидан банклар фойдасига ундирувларни таъминлаш, қарздорликларни қоплатиш ва ижро ҳужжатлари талабларини тўлиқ бажариш юзасидан амалий ишлар давом эттирилмоқда.
