Миграция агентлиги Россиядан қайта олмаётган ўзбекистонликларга мурожаат қилди
Молиявий ёки бошқа жиддий қийинчиликларга дуч келган фуқароларга амалий ёрда кўрсатилади.
Миграция агентлиги Россияда бўлиб турган ва молиявий ёки бошқа жиддий қийинчиликлар сабаб Ўзбекистонга қайтиш имконига эга бўлмаётган фуқароларни ёрдам сўраб мурожаат қилишга чақирди.
Агентлик маълумотига кўра, бундай фуқаролар Россиядаги ваколатхона ва ҳудудий вакилларга мурожаат қилиши мумкин. Улар 24/7 режимида фаолият юритмоқда.
Боғланиш учун:
-
Саll-марказ: +7 (499) 230-00-32, +7 (499) 230-00-76
-
Ишонч телефони: +7 (925) 045-47-44
Шунингдек, Санкт-Петербург, Екатеринбург, Самара, Новосибирск, Краснодар ва Владивосток шаҳарларида ҳудудий вакиллар фаолият юритмоқда.
Ҳар бир мурожаат индивидуал тартибда ўрганилиб, зарур амалий ёрдам кўрсатилади. Белгиланган тартибда фуқароларнинг Ватанга қайтиши учун транспорт харажатлари ҳам қоплаб берилади.
Агентлик фуқароларни муаммоли вазият юзага келганда ёрдам сўрашни кечиктирмасликка чақирди.
