Талабалар контрактни 4 қисмга бўлиб тўлаши мумкин: муддатлар маълум қилинди
Контрактни бўлиб тўлаш имконияти супер-контракт асосида таҳсил олишни режалаштираётган абитуриентларга ҳам татбиқ этилади.
Тўлов-контракт асосида таҳсил олаётган талабаларга контракт суммасини ўқув йили давомида 4 қисмга бўлиб тўлаш имконияти берилади.
Tартибга кўра, контракт тўловлари қуйидаги муддатларда амалга оширилади:
-
25 фоиз — 1-курсга тавсия этилган талабалар учун 15 сентябргача, 2-курс ва ундан юқори босқич талабалари учун 1 октябргача;
-
50 фоиз — 1 январгача;
-
75 фоиз — 1 мартгача;
-
100 фоиз — 1 майгача.
Шу билан бирга, белгиланган муддатлар узайтирилиши мумкин. 1-курс талабалари учун дастлабки тўлов муддатини узайтириш ваколати Давлат қабул комиссиясига, бошқа курслар бўйича эса тегишли ваколат ОТМ ректорларига берилган.
2025/2026-ўқув йилида 1-курс талабалари учун контрактнинг дастлабки 25 фоизини тўлаш муддати 30 октябргача узайтирилган эди.
Молиявий мустақиллик берилган давлат ОТМлари ҳамда нодавлат олий таълим ташкилотлари контракт миқдори ва уни тўлаш муддатларини мустақил белгилайди.
Жорий йилда ОТМга қабул қилинган талабалар контракт тўловлари бўйича аризани kontrakt.edu.uz платформаси орқали юбориши мумкин.
Шунингдек, контрактни бўлиб тўлаш имконияти супер-контракт асосида таҳсил олишни режалаштираётган абитуриентларга ҳам татбиқ этилади. Бироқ бунда дастлаб контракт суммасининг 50 фоизини тўлаш талаб этилади. Қолган қисми эса умумий тартибда бўлиб тўланади.
