Бугун 7 та ҳудудда кучли шамол ва чанг-тўзон кузатилади
Айрим ҳудудларида шамол тезлиги 20–22 м/с гача кучайиши мумкин.
28 август куни кундуз куни Қорақалпоғистон Республикаси, Бухоро, Навоий, Самарқанд, Жиззах ва Қашқадарё вилоятларининг айрим ҳудудларида шамол тезлиги 13–18 м/с гача кучайиши кутилмоқда.
Бухоро, Навоий ва Самарқанд вилоятларининг баъзи жойларида шамол тезлиги вақти-вақти билан 20–22 м/с гача етиши, айрим ҳудудларда эса кучли шамол чанг-тўзон билан кузатилиши мумкин.
Тошкент шаҳрида ҳам шамол тезлиги 10–12 м/с гача кучайиши, айрим жойларда чанг-тўзон кузатилиши эҳтимоли бор.
Эслатиб ўтамиз, аввалроқ сентябрь ойидаги об-ҳаво ҳақида ҳам маълумот берилганди. Унга кўра, сентябрда ҳаво нисбатан қуруқ ва бироз илиқ бўлиши, айрим кунларда ҳарорат 37 даражагача кўтарилиши мумкин. Шу билан бирга, ойнинг айрим даврларида ҳароратнинг пасайиши ҳам кутилмоқда.
