Сирдарёда МИБ орқали 2 млрд сўм сувдан қарздорлик ундирилди
Шу тариқа 3 365 та ижро ҳужжати амалда тамомланган.
Мажбурий ижро бюроси Сирдарё вилояти бошқармаси ва ҳудудий бўлимлари томонидан суд қарорларига асосан сув таъминоти корхонаси фойдасига қарздорликларни ундириш билан боғлиқ ҳужжатлар ижросини таъминлаш борасида бир қатор ишлар амалга оширилмоқда.
Хусусан, жорий йилнинг ўтган даврида жисмоний ва юридик шахслардан ичимлик сувидан қарздорликларни ундириш билан боғлиқ 4 845 та жами 4 млрд 995 млн сўмлик ижро ҳужжатлари келиб тушган.
Ижро ҳаракатлари натижасида 2 млрд 53 млн сўм қарздорлик амалда ундирилиб, 3 365 та ижро ҳужжати тамомланди, 497 та ижро ҳужжати бўйича 696,3 млн сўм ундирув қарздорларнинг иш ҳақига қаратилди.
Мисол учун, суд қарорига асосан “Сирдарё сув таъминоти” корхонаси фойдасига қарздорлар А.Шерматовдан 3,5 млн сўм, Х.Қиличевдан 2,6 млн сўм қарздорлик тўлиқ ундирилиб, ижро хужжатлари тамомланган. Бу борадаги ишлар давом эттирилмоқда.
