Ўзбек тилини ўрганиш халқаро даражага чиқмоқда
Оксфорд талабалари учун Ўзбекистонда Ёзги мактаб ўз ишини бошлади.
Ўтган йилнинг октябрь ойида Президент Администрацияси раҳбари Саида Мирзиёеванинг Оксфорд университетига ташрифи ва у ерда Ўзбекшунослик дастурининг очилиши ўзбек тили ва маданиятини халқаро илмий-таълимий майдонда тарғиб этиш йўлида муҳим воқеа бўлди.
Бугун эса мазкур ташаббус янги босқичга кўтарилди — Оксфорд талабалари учун Ўзбекистонда Ёзги мактаб ўз ишини бошлади.
Бир ой давомида улар нафақат ўзбек тилини ўрганадилар, балки Ўзбекистонни бевосита кўриб, унинг тарихи, маданияти ва анъаналари билан танишадилар.
Ёзги мактаб дастуридан:
- Тошкентга сафар;
- Самарқанд ва Бухорога ташриф;
- ўзбек тили дарслари;
- маданий тадбирлар;
- тарихий обидалар ва миллий мерос билан танишув ўрин олган.
Бу — тил ўрганишдан кўра кенгроқ маънога эга. Бу — халқлар ўртасидаги мулоқот, маданиятлар яқинлашуви ва янги авлод ҳамкорлиги учун муҳим қадам.
