Эрон АҚШга яна ҳужум қилса, “йўқ бўлиб кетади” — Трамп
АҚШ президенти Эроннинг янги қасос ҳужумлари янада кескин жавоб билан қарши олинишидан огоҳлантирди.
АҚШ президенти Доналд Трамп Эрон томонидан Қўшма Штатларга қарши янги қасос ҳужумлари амалга оширилган тақдирда, Вашингтон янада кескин чоралар кўриши мумкинлигини маълум қилди.
Трамп “Fox News” телеканалига берган интервьюсида таъкидлашича, Эрон бундай ҳаракатларни такрорласа, мамлакат “йўқ бўлиб кетиши” мумкин.
АҚШ президенти Эрон ҳукуматининг ҳаракатларини кескин танқид қилиб, Теҳрон «тўхтамаётгани»ни билдирган.
Америка етакчиси Эрон билан келишувга эришиш истиқболларига ҳам шубҳа билдирган. Трампнинг таъкидлашича, Вашингтон Теҳронга музокаралар учун етарлича имконият берган ва эҳтимолий келишувнинг амалий қиймати борасида ишончи паст.
