Озарбайжонда Ўзбекистон байроғи порлади
Бокудаги Ҳайдар Алиев маркази Ўзбекистон Мустақиллиги шарафига давлат байроғи рангларида ёритилди.
Ўзбекистон Мустақиллигининг 35 йиллиги муносабати билан Озарбайжон пойтахти Боку шаҳридаги машҳур Ҳайдар Алиев маркази Ўзбекистон давлат байроғи рангларида ёритилди.
Мазкур ташаббус Ўзбекистон Мустақиллиги кунини нишонлаш доирасида амалга оширилди.
«АПА» нашрининг хабар беришича, Ҳайдар Алиев марказининг Ўзбекистон байроғи рангларида ёритилиши икки қардош давлат ўртасидаги дўстлик ва яқин муносабатларнинг рамзий ифодаси бўлди.
Ҳайдар Алиев маркази Боку шаҳрининг асосий меъморий рамзларидан бири ҳисобланади.
