Шавкат Мирзиёев Ислом Каримов ҳайкали пойига гулчамбар қўйди
Тошкент, Самарқанд ва Қарши шаҳарларида Ислом Каримов хотирасига бағишланган маросим ўтказилди.
2 сентябрь куни Тошкент шаҳрида Ўзбекистоннинг Биринчи Президенти Ислом Каримов хотирасига бағишланган маросим бўлиб ўтди.
Президент Шавкат Мирзиёев Ислом Каримов номидаги илмий-маърифий ёдгорлик мажмуасига ташриф буюриб, Биринчи Президент ҳайкали пойига гулчамбар қўйди.
Маросимда Ислом Каримовнинг мамлакат мустақиллигини мустаҳкамлаш, миллий давлатчиликни тиклаш, тинчлик ва барқарорликни таъминлаш ҳамда халқ фаровонлигини юксалтириш йўлидаги хизматлари ёдга олинди.
Қуръон тиловат қилиниб, дуо ўқилди.
Тадбирда Олий Мажлис палаталари, Президент Администрацияси, Вазирлар Маҳкамаси, вазирлик ва идоралар вакиллари, зиёлилар ҳамда Тошкент шаҳри жамоатчилиги иштирок этиб, Ислом Каримов ҳайкали пойига гуллар қўйди.
Хотира тадбирлари Самарқанд ва Қарши шаҳарларида ҳам ўтказилди.
