Тошкентнинг уч туманида газ таъминоти вақтинча чекланади
Газ таъминотидаги вақтинчалик чекловлар техник ишлар якунлангач бекор қилинади.
Таъмирлаш ва техник ишлар олиб борилиши муносабати билан 2026 йил 4 сентябрь куни Тошкент шаҳрининг айрим ҳудудларида табиий газ таъминоти вақтинча тўхтатилади. Бу ҳақда “Ҳудудгаз Пойтахт” ГТФ матбуот хизмати маълум қилди.
Сергели туманида «Қубайтепа» МФЙ Садий кўчасидан ўтган ўрта босимли газ қувурини хавфсиз ҳудудга кўчириш ишлари сабаб соат 10:00 дан 17:00 гача газ таъминоти вақтинча тўхтатилади. Мазкур чеклов 356 та хонадон ва 12 та улгуржи истеъмолчига таъсир қилади.
Бектемир туманида “Ҳ. Байқаро” МФЙ Ю. Чирчиқ кўчасидаги газ тақсимлаш пунктини янгисига алмаштириш ишлари сабаб соат 10:00 дан 18:00 гача газ таъминоти вақтинча тўхтатилади. Ушбу даврда 12 та хонадон ҳамда 2-, 3- ва 77-сонли кўп қаватли уйлардаги 116 та хонадон газ таъминотидан узилади.
Янгиҳаёт туманида эса «Чортоқ» МФЙ Гулзор 6-тор кўчасидаги аҳоли хонадонларини газ таъминоти тизимини 3 босқичли тизимдан 2 босқичли тизимга ўтказиш ва газ тақсимлаш пунктини демонтаж қилиш ишлари олиб борилади. Шу сабаб соат 11:00 дан 16:00 гача 38 та хонадон ва 3 та улгуржи истеъмолчига газ етказиб бериш вақтинча тўхтатилади.
Таъмирлаш ва техник ишлар якунлангач, табиий газ таъминоти қайта тикланади.
