Ўзбекистонда эҳтиёжманд аҳоли сони 1,5 миллион нафаргача қисқарди
49 та туман ва 3 429 та маҳалла камбағалликдан холи ҳудудга айланмоқда.
Президент Шавкат Мирзиёев раислигида камбағалликни қисқартириш ва аҳоли даромадларини ошириш бўйича ишларни янги босқичга олиб чиқиш масалаларига бағишланган йиғилиш бошланди.
Йил бошида республикада камбағаллик даражаси 5,8 фоизни ташкил этиб, эҳтиёжманд аҳоли сони 2 миллион 200 минг нафар бўлган. Ҳозир ушбу кўрсаткич 1,5 миллион нафаргача қисқарган.
Йиғилишда ишларни самарали ташкил қилган 49 та туман ва 3 429 та маҳалла ишсизлик ва камбағалликдан холи ҳудудга айланаётгани қайд этилди.
Шу билан бирга, қолган 159 та туман ва шаҳар ҳамда 5 536 та маҳалладаги масъуллар фаолиятида натижалар етарли эмаслиги танқид қилинди.
Давлат раҳбари барча ҳудудларга бир хил ваколат, ресурс ва имкониятлар берилганини таъкидлаб, мавжуд имкониятлардан самарали фойдаланиш зарурлигини қайд этди.
