Ўзини томдан ташламоқчи бўлган қиз қутқариб қолинди
ИИО ходимларининг тезкор ҳаракатлари натижасида кўп қаватли уйнинг томига чиқиб олган фуқаро хавфсиз тарзда пастга туширилган.
Мирзо Улуғбек туманидаги «Шалола» маҳалласида фуқаронинг ўз жонига қасд қилишга уринишининг олди олинди.
Маълум қилинишича, Қодирова кўчаси, 2-уйда фуқаро Й.Э. кўп қаватли уйнинг томига чиқиб, ўзини пастга ташлашга уринган.
Вазиятга зудлик билан аралашган маҳалла нозири, лейтенант Р.О. Дусматов ҳамда патруль-пост сафдори Ж.Т. Жуманов фуқаро билан мулоқот ўрнатган. Ходимларнинг тезкор ва масъулиятли ҳаракатлари натижасида фуқаро хавфсиз тарзда пастга туширилган.
Ҳозирда ҳолат юзасидан белгиланган тартибда тегишли чора-тадбирлар олиб борилмоқда.
