Ҳисоб палатасига янги раис тайинланди
Шунингдек, Президент Администрациясида ҳам янги тайинловлар амалга оширилди.
Ўзбекистон Президентининг тегишли фармонларига мувофиқ, давлат бошқаруви тизимида қатор янги тайинловлар амалга оширилди.
Жумладан, Алишер Бахадирович Самадов Ҳисоб палатаси раиси лавозимига тайинланди. Шу муносабат билан у Президент Администрацияси Ҳуқуқий экспертиза ва комплекс таҳлил қилиш департаменти бошлиғи лавозимидан озод этилди.
Шунингдек, Тимур Нурйигитович Бутунбаев Президент Администрацияси раҳбарининг сув ислоҳотлари бўйича ўринбосари – Ҳуқуқий экспертиза департаменти бошлиғи лавозимига тайинланди.
Шу муносабат билан Тимур Бутунбаев Президент Администрацияси раҳбарининг сув таъминоти тизимини ислоҳ қилиш бўйича ўринбосари лавозимидан озод этилди.
