Наманганда 1 млрд долларлик дорилар йўқ қилинди
Маълум бўлишича, улар мусодара қилинган товарлар бўлиб, кейинчалик қонунга хилоф равишда муомалага қайтарилишининг олди олинган.
Мажбурий ижро бюроси Наманган шаҳар бўлими томонидан ижро ҳужжатлари доирасида мусодара қилинган ҳамда белгиланган тартибда муомалага киритилиши тақиқланган товар-моддий бойликлар йўқ қилинди.
Хусусан, йўқ қилиш жараёнида умумий қиймати 1 миллиард 60 миллион сўм бўлган дори воситалари, 7,3 миллион сўмлик тамаки маҳсулотлари ҳамда 22 турдаги телефон аппаратлари белгиланган тартибда йўқ қилинди.
Мазкур дори воситалари, тамаки ва телефон ускуналари тегишли ҳужжатлар асосида хатланган ва мусодара қилинган бўлиб, уларнинг кейинчалик қонунга хилоф равишда муомалага қайтарилишининг олдини олиш мақсадида белгиланган тартибда йўқ қилиш чоралари кўрилди.
Йўқ қилиш жараёни масъул ходимлар иштирокида, амалдаги тартиб-таомилларга қатъий риоя этилган ҳолда амалга оширилди.
