Швеция ва Польшадан 27 нафар ўзбекистонлик Тошкентга олиб келинди
Миграция қонунчилигини бузган Ўзбекистон фуқаролари чартер рейс орқали ватанга қайтарилган.
9 сентябрь куни Тошкент халқаро аэропортига Швеция ва Польша миграция қонунчилигини бузган 27 нафар Ўзбекистон фуқароси бўлган чартер рейси қўнди.
Маълум қилинишича, фуқароларнинг Ўзбекистонга қайтарилиши Ўзбекистон, Швеция ва Полшанинг ваколатли идоралари ўртасидаги ҳамкорлик доирасида амалга оширилган.
Тошкентга етиб келган ватандошларни Ташқи ишлар вазирлиги ҳамда бошқа мутасадди идоралар вакиллари кутиб олган.
Фуқаролар уларнинг ватанга қайтишига кўмаклашганликлари ва кўрсатилган ёрдам учун мамлакат раҳбарияти ҳамда ваколатли органларга миннатдорлик билдирган.
Қайд этилишича, мазкур чора-тадбирлар Ўзбекистоннинг халқаро мажбуриятлар ва мезбон давлатлар қонунчилигига риоя қилган ҳолда ўз фуқароларининг хориждаги ҳуқуқ ва манфаатларини ҳимоя қилишга қаратилган сиёсатининг бир қисмидир.
