Жиззахда 2 йил қидирувда бўлган машина МИБ орқали топилди
Айни пайтда у хатловга олиниб, жарима майдончасига жойлаштирилган.
Мажбурий ижро бюросининг Пахтакор туман бўлими иш юритувида бўлган ижро ҳужжатлари доирасида қарздорликни ундириш ва ижро ҳужжати талабларини таъминлаш бўйича қидирув тадбирлари давом эттирилди.
Мазкур ижро иши бўйича қарздорга тегишли автомашина 2 йилдан ортиқ вақт давомида қидирувда бўлган.
Олиб борилган қидирув тадбирлари натижасида узоқ вақтдан бери қидирилаётган автомашинанинг турган жойи аниқланиб, у белгиланган тартибда топилди ва хатловга олинди.
Шундан сўнг автомашина сақловга олиш ҳамда кейинги ижро ҳаракатларини амалга ошириш мақсадида жарима майдонига жойлаштирилди.
Мазкур ҳолат ижро ҳужжатларини бажаришдан бўйин товлаш ва қарздорликни узоқ вақт давомида бартараф этмаслик ижро органлари томонидан эътиборсиз қолдирилмаслигини кўрсатади.
