112 га қўнғироқ: 66 ёшли аёл 4 метрлик қудуққа тушиб кетди
Аёл эҳтиётсизлиги оқибатида ҳовлисидаги қудуққа тушиб кетган.
12 сентябрь куни соат 06:46 да Наманган вилояти Фавқулодда вазиятлар бошқармасига «112» тизими орқали Чуст туманидаги хонадонлардан бирида 66 ёшли аёл 4 метр чуқурликдаги қудуққа тушиб кетгани ҳақида хабар келиб тушган.
Маълум қилинишича, ҳодиса Чуст тумани «Хўжаобод» МФЙ, Муқумий кўчасида содир бўлган. Аёл эҳтиётсизлиги оқибатида ҳовлисидаги қудуққа тушиб кетган.
Хабар асосида ФВВ қутқарув бўлинмалари воқеа жойига тезкор етиб бориб, аёлни қудуқдан хавфсиз тарзда олиб чиқишган ва тиббиёт ходимларига топширишган.
Ҳозирда 66 ёшли аёлнинг аҳволи яхши. Ҳодиса оқибатида аёл тан жароҳати олмагани маълум қилинган.
