Қариялар уйидаги ёнғин: 16 киши вафот этди
Ҳозирда фожиа сабаби ўрганилмоқда.
Чилининг Араукания минтақасидаги Питруфкен коммунасида жойлашган қариялар уйида ёнғин содир бўлиб, 16 киши ҳалок бўлди. Бу ҳақда Tercera газетаси хабар берди.
Фожиа 11 сентябрь куни кечқурун юз берган. Ёнғин оқибатида бино жиддий зарар кўрган, қутқарувчилар вайроналар остидан 16 нафар қурбоннинг жасадини олиб чиққан.
Шунингдек, ҳодиса вақтида бинода бўлган яна 10 киши эвакуация қилинган.
Воқеа жойига ўт ўчирувчилар ва тез тиббий ёрдам хизматлари жалб этилган. Ҳозирда ёнғин келиб чиқишининг аниқ сабаби номаълум бўлиб, тегишли органлар томонидан тергов ҳаракатлари олиб борилмоқда.
