Республикачилар мағлуб бўлса, Эронга янада қаттиқроқ чоралар кўрилиши мумкин — Трамп
АҚШда Конгрессга оралиқ сайловлар 3 ноябрь куни бўлиб ўтади.
Дональд Трамп ноябрь ойида бўлиб ўтадиган Конгресс сайловларидан сўнг Эрон билан можарони тугатиш режасини яна бир бор таъкидлади. Шу билан бирга, у Республикачилар партияси сайловларда мағлуб бўлган тақдирда, Вашингтоннинг Теҳронга нисбатан ёндашуви янада қаттиқлашиши мумкинлигини истисно қилмади.
«Уруш оралиқ сайловлардан сўнг дарҳол тугайди», — деди Трамп Fox News телеканалига берган интервьюсида.
Журналист Лаура Ингрэҳэм президентдан бу ҳолат республикачилар ғалаба қозонган ёки мағлуб бўлган тақдирда ҳам юз берадими, деб сўраган.
Трамп республикачилар ютқазган тақдирда Эронга нисбатан янада қатъий чоралар кўрилиши мумкинлигини билдириб, бу вариантни ҳам истисно қилмаслигини айтган.
Аввалроқ АҚШ президенти Эрон билан можаро ноябрь ойидаги Конгресс сайловларидан кейин, эҳтимол, ундан ҳам олдин тугаши мумкинлигини билдирган эди.
The Wall Street Journal нашрининг ёзишича, Оқ уйнинг юқори лавозимли амалдорлари можаро Трампнинг президентлик муддати якунланадиган 2029 йилгача давом этиши мумкинлигини ҳам истисно қилмаяпти.
АҚШда Конгрессга оралиқ сайловлар 3 ноябрь куни бўлиб ўтади.
