Сирдарёда МИБ орқали хонадон эгасига олиб берилди
Жавобгар ноқонуний равишда эгаллаб олинган хонадондан белгиланган тартибда мажбурий кўчирилди.
Мажбурий ижро бюросининг Боёвут туман бўлими давлат ижрочилари томонидан фуқаролик ишлари бўйича Жиззах туманлараро судининг қонуний кучга кирган қарори асосида мажбурий ижро ҳаракатлари амалга оширилди.
Ижро ҳужжатига мувофиқ, жавобгар Д.Ш. ноқонуний равишда эгаллаб олинган хонадондан белгиланган тартибда мажбурий кўчирилди.
Ижро ҳаракатлари давомида амалдаги қонунчилик талабларига қатъий риоя қилиниб, хонадон қонуний эгасига топширилди ҳамда суд қарорининг тўлиқ ижроси таъминланди.
Мажбурий ижро бюроси томонидан суд ҳужжатлари ижросини қонун талабларига мувофиқ, ўз вақтида ва тўлиқ таъминлаш юзасидан тизимли ишлар давом эттирилмоқда.
