Янги лойиҳалар ва устувор вазифалар: Саида Мирзиёева жамоаси билан таҳлилий муҳокама ўтказди
Якунда аниқ вазифалар белгиланиб, давлат раҳбарига тақдим этиладиган таклифлар шакллантирилиши белгиланди.
Саида Мирзиёева Администрациядаги жамоаси билан қизғин таҳлилий муҳокама ўтказди. Унда муҳим йўналишлар ҳамда яқин истиқболда амалга оширилиши мумкин бўлган йирик лойиҳалар атрофлича кўриб чиқилди.
Муҳокама давомида устувор вазифаларни белгилаш, долзарб масалаларни таҳлил қилиш ва мавжуд муаммоларга самарали ечимларни ишлаб чиқиш масалаларига алоҳида эътибор қаратилди.
Бундай очиқ форматдаги жамоавий муҳокамалар орқали турли таклиф ва ёндашувлар ўртага ташланиб, улар орасидан энг мақбул ва самарали ечимларни танлаб олиш имконияти яратилмоқда.
Ҳар бир масаланинг жамоа иштирокида кўриб чиқилиши вазиятни кенгроқ баҳолаш, янги имкониятларни аниқлаш ҳамда амалий жиҳатдан энг мақбул ёндашувларни ишлаб чиқишга хизмат қилиши таъкидланди.
Муҳокама якунида аниқ вазифалар белгилаб олинди. Шунингдек, давлат раҳбарига тақдим этиш учун асослантирилган таклифларни шакллантириш бўйича ишларни давом эттириш белгиланди.
