“2 гектар ер олиб бераман”: Сурхондарёда Савдо-саноат палатаси мансабдори ушланди
У фуқарога аукцион орқали ер олиб бериш эвазига олган 5 млн сўмни қайтараётган вақтда қўлга олинган.
Сурхондарё вилоятида Савдо-саноат палатаси Қизириқ тумани бўлими бошлиғи ушланди.
Бош прокуратура ҳузуридаги Департаментнинг Қизириқ тумани бўлими ҳамда бошқа ҳуқуқни муҳофаза қилувчи органлар ходимлари ҳамкорлигида тезкор тадбир ўтказилган.
Унда Савдо-саноат палатаси Қизириқ тумани бўлими бошлиғи М.Ч. фуқаро О.Б.га деҳқон хўжалиги ташкил этиш учун аукцион орқали 2 гектар ер майдони олиб беришни ваъда қилгани аниқланган.
М.Ч. ушбу ваъда эвазига фирибгарлик йўли билан қўлга киритгани айтилаётган 5 млн сўмни О.Б.га қайтариб бераётган вақтда ашёвий далиллар билан ушланган.
Мазкур ҳолат юзасидан Жиноят кодексининг 168-моддаси (фирибгарлик) билан жиноят иши қўзғатилган.
Ҳозирда тергов ҳаракатлари олиб борилмоқда.
