Тошкентда МИБ орқали болалар онасига қайтарилди
Шу тариқа суд ҳужжатида белгиланган талаблар амалда бажарилиб, ижро иши якунланган.
Мажбурий ижро бюросининг Чилонзор туман бўлими иш юритувида фуқаролик ишлари бўйича Фарғона туманлараро судининг 2026 йил 7 майдаги ижро варақасига асосан, жавобгар Х.С.дан даъвогар Х.Ф.нинг тарбиясига икки нафар вояга етмаган фарзандни олиб бериш ҳақидаги ижро ҳужжати мавжуд.
Мазкур ижро ҳужжати қонунчиликда белгиланган тартибда ижрога қабул қилиниб, Ўзбекистон Республикасининг «Суд ҳужжатлари va бошқа органлар ҳужжатларини ижро этиш тўғрисида»ги Қонунининг 23-моддасига мувофиқ ижро иши юритиш қўзғатилди.
Ижро ҳаракатлари давомида жавобгар Х.С.га суд ҳужжати талабларини бажариш зарурлиги тушунтирилиб, уларни бажармасликнинг ҳуқуқий оқибатлари ҳақида тегишли тартибда огоҳлантирилди. Шунингдек, икки нафар вояга етмаган фарзандни она тарбиясига олиб бериш бўйича мажбурият олинди.
Олиб борилган ижро ҳаракатлари натижасида суд ҳужжатида белгиланган талаблар амалда таъминланиб, икки нафар вояга етмаган фарзанд онасининг тарбиясига олиб берилди.
